Шакира е посветена мајка. Славната пејачка беше фотографирана на прошетка со синовите откако во јавност излегоа фотографии од Жерар Пике со новата девојка.
45-годишната музичка ѕвезда ги прегрнуваше 9-годишниот Милан и 7-годишниот Саша додека се шетаа заедно со нивното семејно кученце.
Деновиве, во јавност протекоа фотографии на кои 35-годишниот Пике се бакнува со 23-годишната Клара Чија Марти. Странските медиуми пишуваа дека Шакира е многу лута што таткото на нејзините деца се бакнува во јавност со друга девојка.
Шакира и Пике објавија дека се разделуваат на почетокот од јуни оваа година. Тие беа заедно 11 години.
