Шакира и шеика Моза бин Насер се сретнаа во Катар за да помогнат во обезбедување на квалитетно образование на сите деца ширум светот, особено на оние од посиромашните земји.
42-годишната пејачка и 60-годишната поранешна прва дама на Катар учествуваа на Светскиот иновативен самит за образование.
„Разговарав со шеика Моза бин Насер, изворедна жена која го револуционизира образованието во Катар и низ целиот свет“ – напиша Шакира во описот на фотографиите.
На нивната средба беше потпишан договор со добротворната организација на Шакира, со кој ќе им се обезбеди образование на 54.000 деца во Колумбија.
Шакира изјави дека една од најзначајните работи кои ги направила е основањето на организацијата „Pies Descalzos“, преку која се залага за собирање средства за потпомагање на семејства од ранливи категории во родната Колумбија.
„Ова е една од најзначајните работи кои сум ги направила во животот, дури и повеќе од освојувањето на Греми награда. Образованието помага во создавањето рамноправност. Затоа го започнав најважниот проект во мојот живот, за да донесам квалитетно образование за сите деца“ – вели таа.
Шеика Моза е една од трите сопруги на поранешниот емир на Катар, шеикот Хамад бин Калифа ал Тани, и мајка на седум негови деца, меѓу кои и моменталниот емир на Катар, Тамим бин Хамад ал Тани. И покрај тоа што нејзиниот сопруг се откажа од престолот во интерес на својот син, шеика Моза останува заштитен знак на Катар и една од највлијателните жени на Блискиот Исток и светот.
