Роузи Хантингтон-Вајтли со слатка фотографија објави дека со Џејсон Стејтам станаа родители
Роузи Хантингтон-Вајтли и Џејстон Стејтам станаа родители. 30-годишната манекенка и актерка и 49-годишниот актер добија синче.
Среќната вест за раѓањето на бебето ја објави Роузи на Instagram. Убавата Англичанка сподели слатка фотографија на која новороденчето ја држи за прстот.
Момчето се родило на 24 јуни и било тешко 4 килограми, а го добило името Џек Оскар Стејтам.
Роузи го прифати предлогот за брак на Џејсон во јануари минатата година. Дотогаш тие беа во врска пет години.
