Родители испишаа позитивни пораки во училишни тоалети за децата да заборават на негативноста по масакрот во Флорида

Лошите вести за тероризам, убиства и насилства секојдневно го потресуваат светот, па понекогаш нè спречуваат да гледаме на позитивната страна на животот. Затоа, родители на петтоодделенци најдоа креативен начин да им помогнат на нивните деца да заборават на негативноста.

Грижливи мајки и татковци ги исполнија тоалетите во основно училиште во Тексас со инспиративни цитати и пораки за барем додека се во школо, децата да се фокусираат на позитивните работи и подобрувањето на самите себе.

Идејата се јавила по вооружениот напад во средно училиште во Паркленд, Флорида, во кој 17 лица ги загубија своите животи. „Ние силно веруваме во моќта на ширење љубов, добрина и позитивност низ нашиот кампус. Нашата тема оваа година е „Среќа“ и сега ни треба повеќе отсекогаш. Чувствуваме дека децата во нивните животи се подложени на премногу негативност преку социјалните мрежи или телевизијата. Ние имавме многу специјална група на родители кои истапија напред и го комплетираа овој проект и им додадоа дневно позитивно охрабрување за нашите ученици“ – велат од училиштето „Мери Мур“.