Роденденска забава: Џорџина Родригез му организира прослава на најголемиот син на Кристијано Роналдо
Додека Кристијано Роналдо е посветен на ангажманите околу Светското првенство во фудбал, Џорџина Родригез ги презеде семејните обврски и му организира роденденска забава на најголемиот син.
Својот осми роденден Кристијано Џуниор го прослави покрај базен со блиски пријатели и роднини.
На фотографиите од забавата се и останатите три деца на парот – близначињата Ева и Матео и Алана Мартина.
Роналдо со порака му го честита роденденот на својот прв син.
Џорџина сподели и видео од сладок момент меѓу нејзините малечки.
На почетокот на месецов, Џорџина им го организира и првиот роденден на Ева и Матео.
Околу семејството кружат гласини за бременост и свршувачка. Џорџина ги негираше гласините дека е во блажена состојба, но нема дадено коментар за блескавиот прстен кој поттикна шпекулации дека наскоро ќе му стане жена на славниот фудбалер.
