Ријана ја започна промотивната турнеја на нејзината нова модна линија Fenty со интимна презентација во Париз.
31-годишната дизајнерка и пејачка во бел краток сако-фустан ја претстави својата нова колекција, која ќе биде пуштена во продажба на 29 мај.
За колекцијата, Ријана црпела инспирација од секаде – од родниот Барбадос, па сè до Лондон и Париз. Колекцијата вклучува фустани, јакни, кошули, фармерки, сакоа и панталони во конфекциски броеви до 14 (кај нас 44), што е многу поширока понуда од останатите луксузни модни куќи. Во неа исто така се вклучени и сандали, накит и очила за сонце.
„Станува збор за создавање стил за жени кој ќе прави тие да се чувствуваат силно, но и убаво“ – изјавила Ријана.
Брендот на Ријана е дел од групацијата LVMH Moët Hennessy – Louis Vuitton со седиште во Париз.
Погледнете дел од моделите дизајнирани од Ријана.
