Каљтрина Круезиу мамеше погледи со впечатлив стајлинг на The Haute Wed галата во Скопје, на која изгледаше како да пристигнала директно од златната ера на Холивуд.
За свеченоста, таа избра раскошна бела креација со силен ретро карактер, целосно прекриена со полупроѕирни апликации во форма на дискови, бисери и светкави детали. Богатите реси кои паѓаат од рамената и страничните делови на фустанот дополнително го нагласуваат движењето и му даваат театрален ефект на целиот изглед.
Особено до израз доаѓа горниот дел од креацијата, со нагласена силуета и декоративни детали околу вратот и рамената.
Македонската професорка и мејкап артистка стајлингот го заокружи со впечатлив додаток за глава кој неизбежно потсетува на естетиката на 1920-тите и на раскошот на холивудските диви од тоа време.
