„Repeat It“: Ед Ширан и Мартин Герикс ја објавија песната која започнале да ја креираат пред 12 години
Ед Ширан и Мартин Герикс конечно ја финишираа песната која ја започнале пред повеќе од една деценија.
35-годишниот пејач и текстописец и 30-годишниот диџеј ја објавија „Repeat It“ на огрома радост на нивните фанови.
Заедно со песната, премиерно беше прикажан и официјалниот музички спот кој носи посебна носталгична нота, бидејќи е составен од емотивни и приватни кадри од нивните животи во текот на изминатите 12 години.
„Да се најави и објави овој сингл околу мојот 30-ти роденден е неверојатно посебно чувство... искрено, најдобриот подарок што можев да го посакам. Всушност, ја започнавме оваа песна пред 12 години во Нешвил и долго време искрено мислев дека никогаш нема да има официјално издание. Работата со Ед беше многу забавна. Тој е неверојатен човек, уметник, но и еден од моите драги пријатели од индустријата. Споделивме толку многу кул спомени низ годините. Навистина сум горд што конечно ја објавуваме заедно, оваа песна ни значи многу и на двајцата!“ – сподели Мартин.
На ова, Ед се надоврза:
„Јас и Мартин ја направивме Repeat It пред 12 години, откако се спријателивме за време на едно излегување во Амстердам. Тој полни 30 години и го издава својот деби албум оваа година, па изгледаше како најдобар момент конечно да го направиме ова. Би рекол дека секој ден фановите оставаат коментари под моите објави прашувајќи каде е, па ова е за вас дечки. Среќен роденден Мартин, и среќен Repeat It ден за сите останати. Уживајте во видеото, тоа се кадри од нашите животи од изминатите 12 години.“