„Reflect“: „Plus-size“ балерина ги надминува стравовите и ја покажува својата сила во нов краток филм на Дизни

TikTok видео од новиот краток филм „Reflect“ на Дизни стана вирален хит на популарната социјална мрежа. Во него е прикажана првата „plus-size“ протагонистка на Дизни, која се бори со својата рефлексија во огледалото и ги надминува своите стравови за да стане балерина.

Бјанка е главен лик во „Reflect“, кој е дел од втората сезона на серијалот „Disney’s Short Circuit“. Таа е сред час по балет кога започнува да се чувствува несигурно во сопственото тело. На крајот, Бјанка успева да се прифати себеси онаква каква што е, да ги победи своите стравови и несигурности за да го прави она што го сака.

@retrocosygamer It’s available on Disney + and shows how she battles body dysmorphia #plussizedisney #disneyprincess #plussizerepresentation ♬ After LIKE - Short Ver. - IVE

„Балерина се бори со сопствената рефлексија, надминувајќи ги сомнежите и стравовите за да ја покаже својата внатрешна сила, грациозноста и моќта“ – стои во описот на Дизни.

Многу интернет корисници се пронајдоа во ликот на Бјанка, а други коментираат дека посакувале и тие да растеле со вакви филмови кои не создаваат нереални стандарди за убавина.

„Reflect“ е режиран од Хилари Бредфилд, а е достапен на Disney+.