„Ред Сафари“ – нов сингл на Кирил Џајковски кој е дел од саундракот за филмот „Врба“ на Манчевски

Кирил Џајковски создаде нова музика. Македонскиот музичар го објави синглот „Ред Сафари“, кој е дел од саундтракот за филмот „Врба“ на режисерот Милчо Манчевски.

„Ред Сафари“ е соработка на Џајковски и пејачот и рапер Лион Д. Песната е експлозивна мешавина од реге и драм енд бејс и одлично ја доловува фуриозната атмосфера од настапите на Џајковски.

Синглот и видео спотот излегуваат истовремено со успешната светската премиера на филмот „Врба“ на Филмскиот фестивал во Рим. По филмовите „Прашина“ и „Сенки“, Џајковски повторно соработува со Манчевски со кого во минатото соработуваше и во проектот „Бастион“.