Зухаир Мурад со екстравагантна колекција ги освојува срцата на клиентките со најдлабоки џебови. Либанскиот дизајнер ја претстави колекцијата висока мода пролет/лето 2026 со креации кои се продаваат и по стотици илјади евра.
Неговата визија била диктирана од убавината на уметноста родена по мрачни периоди во историјата.
„Живееме во свет во кој има многу темнина. По Средновековието дојде Ренесансата за да се слават уметноста, музиката и убавината на жената“ – изјави Мурад, коментирајќи ја својата инспирација.
Мурад создава драматичен контраст помеѓу длабоките сенки и етеричната светлина, поттикнат од магијата на сликарската техника „chiaroscuro“.
Погледнете ја колекцијата насловена „Chiaroscuro“ која е потсетник дека кога светот е во криза, уметноста е неопходност.
