Шенон Доерти со многу лоша вест ги растажи своите фанови. Ѕвездата од култната серија „Беверли Хилс, 90210“ сподели дека се соочува со агресивен рак.
За првпат Шенон дозна дека има рак на дојка во 2015 година, а по тешка битка, соопшти дека ја победи смртоносната болест. Но сега, популарната актерка објави дека ракот се врати и е во IV стадиум.
„Ракот се врати... Дефинитивно имам денови кога се прашувам зошто јас. И потоа си велам: ‘Зошто да не сум јас? Кој друг? Кој друг покрај мене го заслужува ова? Никој од нас’ Но, би рекла дека првата реакција е секогаш загриженоста како ќе им кажам на мајка ми и на сопругот“ – вели таа.
.@ABC NEWS EXCLUSIVE: @DohertyShannen opens up about her private health battle. “I’m stage four – my cancer came back.”@arobachhttps://t.co/IvsAr3odaj pic.twitter.com/Amhcm7x5Q4
— Good Morning America (@GMA) February 4, 2020
„Преплашена сум, многу сум исплашена“ – изјави таа и потенцираше дека најмногу се грижи за мајка ѝ и сопругот Курт Исвариенко. „Мајка ми е неверојатно силно и храбро човечко суштество. Таков е и мојот сопруг, но сум загрижена за него“ – признава таа.
Шенон дознала за враќањето на болеста неколку месеци пред смртта на Лук Пери. На почетокот, ја зачувала лошата вест само за себе и се врати на снимањето на продолжението на „90210“ за да може на одреден начин да му оддаде почит на својот сакан пријател.
„Многу е чудно за мене да добијам таква дијагноза, а потоа некој, кој е навидум здрав, да замине прв. Беше шокантно. Најмалку што можев да направам е да се вклучам во шоуто“ – раскажува таа и признава дека Брајан Остин Грин и помагал да го издржи напорното снимање.
Шенон призна дека ја обелоденила влошената здравствена состојба затоа што е во судски процес со осигурителна компанија и дека во секој случај јавноста ќе дознаела за случајот.
„Сакам да бидам запаметена по нешто што е поголемо од она што сум јас“ – категорично вели холивудската миленичка која истакнува дека ќе се бори со големите корпорации кои газат по обичниот народ.
