Радоста се создава: Божиќна реклама за татко кој прави вистинска „снежна топка“ за да ја усреќи ќерката

Овогодишната божиќна реклама на Amazon зборува за посветеноста на родителите и нивното жртвување за среќата на децата.

Видеото раскажува приказна за татко, ќерка и нејзината омилена снежна топка.

Во него, грижливиот маж забележува дека девојчето не сака да се одвои од саканиот украс и го носи секаде со себе. Така, тој одлучува да го оствари нејзиниот сон и со помош на соседите создава вистинска „снежна топка“. Божиќното изненадување искрено ќе го израдува малото девојче.

„Радоста се создава“ – е пораката на крајот од видеото режирано од Таика Ваитити.