Радост до солзи: Родители се среќаваат со синовите кои ги посвоиле од Африка

Посвојувањето не е лесен и едноставен процес, а Џенифер и Џејмс Гровер многу добро го знаат тоа. Тие досега имаат посвоено 5 деца, покрај тоа што имаат 2 биолошки ќерки и 2 биолошки сина.

На почетокот од месецов, по три години чекање, тие конечно добија можност да ги одведат своите два посвоени сина дома, а видеото од емотивната средба на аеродром стана интернет хит со милионска публика.

Видео

Џенифер и Џејмс со синовите Бронсан и Џозеф

Џенифер Гровер и нејзиниот сопруг за првпат одлучиле да посвојат дете од друга држава пред 15 години, кога таа добила претчувство дека некаде низ светот постои мало девојче кое припаѓа во нивното семејство.

„Пред 15 години, кога нашето најголемо дете имаше 4 години и имавме 2-годишно дете и 9-месечно бебе, започнав да чувствувам дека постои мало девојче кое треба да биде во нашето семејство, но дека нема да дојде биолошки од нас, туку дека треба да ја пронајдеме“ – вели Џенифер во видео во кое ги раскажува своите искуства со посвојување.

Бидејќи Џенифер растела во семејство со воено лице, таа била навикната да ги сака различните култури и земји и сакала тоа да го пренесе во своето семејство. По разговори со сопругот, двајцата одлучиле дека сакаат да го пронајдат тоа девојче и да го донесат дома. Но, прво сакале да добијат одобрување од своите деца.

„Емили тогаш имаше 4 години, ѝ рековме: Дознавме дека на другиот крај на светот има мало девојче кое нема мајка и татко, а таа без никакво двоумење рече: Знам, зошто не одите да ја земете и да ја доведете во семејството за да ѝ бидете мајка и татко?“ – вели Џенифер, објаснувајќи дека нивните деца одлично ги прифатиле посвоените браќа и сестри.

Семејството Гровер пред посвојувањето на момчињата од Африка

Парот ја посвоил првата ќерка Лорен од сиропиталиште во Казахстан. Поради сипаници и висока температура таа имала сериозни здравствени проблеми и оштетување на мозокот.

Џенифер и Лорен

Џенифер и Лорен сега

По пет изгубени бебиња поради спонтани абортуси и по раѓањето на четвртото дете, Џенифер повторно добила претчувство дека е време за ново посвојување. „Му реков на Џејмс дека сакам да го запознам со некого и му ја покажав фотографијата на Џејкоб и беше погодок“ – вели Џенифер.

Џејкоб

Малиот Џејкоб бил роден во Кина со Даунов синдром и бил во екстремно лоша здравствена состојба пред посвојувањето. Кога Џенифер и Џејмс отпатувале во Кина за да го донесат дома, таму се запознале со најдобриот другар и чувар на Џејкоб, Мајкл, кој исто така имал Даунов синдром. Гровер без многу размислување одлучиле да го посвојат и него. „Тие две момчиња требаше да останат засекогаш браќа“ – вели Џенифер.

Џејкоб и Џенифер

Џејкоб, Џејмс и Џенифер

За жал, во декември 2013 година, малиот Џејкоб доживеал мозочен удар и починал.

Во меѓувреме, Џенифер започнала нова процедура за посвојување на уште два сина, Бронсан и Џозеф од Демократската република Конго, кои конечно станаа дел од нивното семејство на почетокот од месецот.

Џенифер вели дека сега нивната семејна слика е совршена.

Видео