Раскош, екстраваганција, елеганција и префинетост се преплетуваат во новата колекција на Ели Сааб. Либанскиот дизајнер ја презентираше својата колекција висока мода пролет 2024 во Париз, а гостите едноставно беа восхитени од волшебните креации.
„Колекцијата ќе им ги шепне своите тајни на оние кои слушаат, канејќи ги да станат дел од нејзините волшебни сказни“ – порачуваат од модната куќа за колекцијата „Desert Rose“ (Пустинска роза).
Својот препознатлив дизајнерски стил, Сааб го надополни со мистиката на Мароко. Црпејќи инспирација од мароканската архитектура и егзотичниот дух на „црвениот град“ Маракеш, тој создаде фустани достојни за најсвечени прилики.
Ѕирнете ги најновите рачно изработени креации од ателјето на Сааб:
