Првиот Ден на таткото без него: Вдовицата на Диого Жота истрча трка со неговиот број на градите 8 месеци по несреќата

Вдовицата на Диого Жота со емотивен гест му оддаде почит на својот сакан, кој го изгуби пред 8 месеци, само две недели по нивната свадба.

На првиот Ден на таткото без него, Рут Кардозо истрча трка од 10 километри во нивниот роден град Порто, носејќи го бројот 20 — истиот број кој Жота го носеше на фудбалскиот дрес.

На Instagram, Рут објави фотографии од овој момент и напиша: „20 + ♾️“.

Бројот 20 има посебно значење за семејството. Тој беше препознатливиот број на Жота во текот на кариерата, а по неговата смрт, ФК Ливерпул го повлече од употреба во негова чест.

Жота трагично загина минатото лето во сообраќајна несреќа во Шпанија, заедно со својот брат, само две недели по свадбата со Рут. Зад себе остави три деца.