Први фотографии: Новородената ќерка на принцезата Софија мирно спие во прегратка на трите братчиња
Принцезата Софија и принцот Карл Филип ги споделија првите фотографии од новородената ќерка и го објавија нејзиното име.
Девојчето, кое се роди на 7 февруари во Стокхолм, го доби името Инес. На првите фотографии од неа објавени од шведскиот кралски пар, Инес мирно спие во прегратката на своите тројца поголеми браќа - принцот Александар, принцот Габриел и принцот Јулијан.
„Испадна дека се совршениот мал квартет. Голема и топла благодарност за сите љубезни честитки за нашата мала Инес“ – стои во описот на фотографиите.
Во минатото, Софија никогаш не си замислувала дека може да биде шведска принцеза. Таа се запозна со саканиот на тениски натпревар, а нивната врска била потврдена во јули 2010 година. Својата љубов ја крунисаа со брак во 2015 година.
