Меланија и Доналд Трамп беа почесни гости на воената парада која денес се одржа во Париз.
Традиционалната парада на Елисејските полиња по повод Денот на Бастиља беше проследена и од францускиот претседател Емануел Макрон и неговата сопруга Брижит.
Првата дама на САД пристигна во цветен фустан од модната куќа Валентино.
64-годишната прва дама на Франција не изненади. Како и за речиси секое свое појавување во јавност, и овој пат таа избра креација од Луј Витон.
По завршувањето на парадата, Меланија и Доналд се збогуваа со домаќините и ја напуштија Франција.
