Првата фотографија од свадбата на 66-годишниот Дејвид Хаселхоф и неговата 38-годишна избраничка

Дејвид Хаселхоф и Хајли Робертс стапија во брак. 66-годишниот актер и неговата 38-годишна избраничка се заколнаа на вечна љубов на церемонија во Апулија, Италија.

Познатиот актер од серијата „Чувари на плажата“ и Хајли се запознале пред седум години, а тој ја побарал за жена во мај 2016 година.

Русокосата невеста носеше венчаница со чипка од Galia Lahav. Списанието OK! ја објави првата фотографија од нивната венчавка.

Ова е трет брак за Хаселхоф. Тој претходно беше оженет со актерките Кетрин Хикленд и Памела Бах.