Првата дама на Србија сними фотосесија за L'Officiel, откри кои 3 работи треба да ги има секоја жена во плакарот

Тамара Вучиќ ги краси страниците на L'Officiel Paris.

За време на Париската недела на високата мода, Првата дама на Србија ја искажа својата поддршка за дизајнерот Стефан Ѓоковиќ и позираше во негови креации. Фотосесијата била направена во резиденцијата на српскиот амбасадор во Франција.

Сопругата на претседателот Александар Вучиќ, зборуваше за својот секојдневен стил и за српскиот гламур, а откри и кои три работи треба да ги има секоја жена во својот плакар.

За својот секојдневен стил: „Ја обожавам елеганцијата и едноставноста без разлика дали одам на работа, поминувам време со пријателите, патувам или учествувам на важен јавен настан. Сметам дека за секоја жена, кога станува збор за модата, важно е да биде свесна што ѝ прилега, дали соодветствува со нејзиниот карактер и нејзината ситуација. Со други зборови, треба да знае дали нешто ѝ стои и дали се чувствува убаво во него. Има модни парчиња или комбинации кои се многу тренди и ми се допаѓаат кога ги гледам на другите, но јас никогаш не би се осмелила да ги носам. Едноставно нема да личат на мене“.

За српскиот гламур: „За мене, гламурот е сè што е реткост, што си ја зголемува вредноста и е скапоцено. Позитивниот став кој животот и светот е гламурозен, како што е гостопримливоста по која Србите се добро познати. Град што живее 24/7 е гламурозен, а таков е Белград. Српскиот гламур е дел и од нашата историја...“

Кои се трите основни работи кои една жена мора да ги има во плакарот: „Монохроматски фустан, пред сè црн или тегет, што е секогаш одличен избор за оние утра кога ‘немаш што да облечеш’; добро скроен костум и совршено точни фармерки. И едноставна бела маичка. Не ме обвинувајте ако се четири.