Првата дама Елизабета беспрекорно елегантна покрај претседателот Пендаровски на новогодишен прием
Стево Пендаровски беше домаќин на традиционален новогодишен прием за дипломатскиот кор.
56-годишниот македонски претседател сподели фотографии на социјалните мрежи и им се заблагодари на сите за присуството.
„Им благодарам на сите кои ме почестија со своето присуство на годинешниот прием за дипломатскиот кор. Ви посакувам благосостојба и напредок, Вам и на вашите држави и организации“ – напиша Пендаровски на Twitter.
На настанот присуствуваше и неговата сопруга Елизабета Ѓоргиевска.
47-годишната прва дама блескаше во елегантна темновиолетова креација од македонската дизајнерка Лидија Георгиева.
