Природна седа коса и широка насмевка: Енди Мекдауел шармираше на свадбата на ќерката Маргарет

Енди Мекдауел си го обожава својот природен изглед. 65-годишната актерка шармираше со седа коса на свадбата на нејзината ќерка Маргарет Квали која викендов се одржа во Њу Џерси.

Филмската ѕвезда носеше син фустан со тропски принт и ниски сандали.

Мекдауел вели дека е многу посреќна со природна коса и тврди дека раскрстила со фарбите.

„Мислам дека жените се уморни од идејата дека не можат да стареат и да бидат убави. Мажите стареат и ние продолжуваме да ги сакаме. Сакам да бидам како маж. Не сакам да звучам арогантно, но многу ја сакам мојата коса кога ќе се погледнам во огледалото. Многу е убава“.

„За време на КОВИД, можев да си ги видам корените и ми се допадна тоа. Чувствував дека ќе бидам посреќна. И сум посреќна. Навистина ми се допаѓа. Имам 64 години и ова е најдобриот период во мојот живот. На крајот на краиштата, ќе имам сребрена коса“ – изјавила Енди минатата година.

Енди и Маргарет глумат мајка и ќерка во популарната серија „Maid“.