Принцезата Кетрин префинета дама во две бели креации покрај принцот Вилијам

Принцезата Кетрин и принцот Вилијам беа дел од повеќе настани посветени на 80-годишнината од победата над фашизмот и крајот на Втората светска војна.

По повод Денот на победата во Европа, кралскиот пар посети служба во Вестминстерската опатија и присуствуваше на концерт во чест на сите лица кои служеа во војната.

За двата настани, Кетрин носеше креации кои веќе ги имаше во својот плакар и кои ги има носено и претходно.

Нејзиниот прв моден избор беше бел фустан со црни точки од Александра Рич. Овој стајлинг, Кетрин го надополни со црна шапка и бисерни обетки кои ѝ припаѓаа на покојната принцеза Дијана.

На концертниот настан, принцезата од Велс се појави во бела креација од брендот Self Portrait.