Новите Принц и Принцеза на Велс се во тридневна посета на САД за првпат по осум години.
Принцезата Кетрин и принцот Вилијам во црни стајлинзи со комерцијален лет слетаа во Бостон, а повод за нивното патување е доделувањето на наградите Earthshot. На ушите на Кетрин се гледаа обетки кои ѝ припаѓаа на принцезата Дијана.
40-годишната припадничка на британското кралско семејство изгледаше модерно во уште две други модни комбинации кои ги избра за посетата на кошаркарски натпревар и за лансирањето на наградите Earthshot.
Зелениот кариран фустан доаѓа од Барбери, додека зеленото палто кое го комбинираше со него е дело на Александар Меквин.
„Со Кетрин сме воодушевени што се враќаме во САД. На првата прекуокеанска посета по смртта на баба ми, сакам да им се заблагодарам на луѓето од Масачусетс, особено од Бостон, за почитта која ѝ ја оддадоа на покојната Кралица. Баба ми беше еден од доживотните оптимисти, а таков сум и јас. Поради тоа, минатата година ги лансиравме наградите Earthshot со амбиција да создадеме глобална платформа со која ќе инспирираме надеж и итен оптимизам додека гледаме да ја спасиме иднината на нашата планета“ – стои во изјавата на принцот Вилијам кој во 2020 година ги лансираше овие награди заедно со Сер Дејвид Атенборо.
Синиот блејзер, кој Кетрин го носеше на натпреварот на кој играа Бостон Селтикс, доаѓа од модната куќа Шанел.
