Принцезата Кетрин блесна во изнајмен зелен фустан и накит од принцезата Дијана на „Earthshot Prize Awards“

Принцезата Кетрин блесна во зелено на доделувањето на овогодишните „Earthshot Prize Awards“.

На свеченоста во Бостон, 40-годишната припадничка на британското кралско семејство носеше изнајмен фустан од брендот Solace London. Во својот стајлинг, принцезата од Велс додаде накит кој ѝ припаѓаше на принцезата Дијана.

Сите гости на настанот беа замолени да не купуваат нова облека со цел да се подигне свеста за заштитата на животната средина.

И принцот Вилијам избра костум кој веќе го имал во својот плакар.

Наградите Earthshot Prize започнаа минатата година и ќе се доделуваат во следните 10 години од страна на Кралската фондација. Тие се лансирани од принцот Вилијам и Сер Дејвид Атенборо. Парична награда во вредност од по 1 милион фунти им се доделува на пет учесници чии решенија докажано помогнале во справувањето со проблемите на животната средина.

Кралскиот пар се сретна и со Дејвид Бекам.