Принцеза е! Војвотката Кетрин и принцот Вилијам добија ќерка

Војвотката Кетрин и принцот Вилијам го добија своето второ дете. 33-годишната избраничка на Вилијам роди девојче тешко 3,8 килограми.

Сестричката на малиот Џорџ се роди во 8.34 часот по локално време, а од Кенсингтонската палата ја потврдија веста преку Twitter само неколку часа по раѓањето на принцезата. „Нејзиното Кралско Височество Војвотката од Кембриџ се породи безбедно и роди ќерка во 8.34 часот“ – пишува во објавата.

Her Royal Highness The Duchess of Cambridge was safely delivered of a daughter at 8.34am.

— Kensington Palace (@KensingtonRoyal) May 2, 2015

Од палатата потврдија дека и мајката и бебето се во добра состојба.

Кетрин се породи во болницата „St. Mary“ во Лондон, каде го донесе на свет и своето прво дете Џорџ во 2013 година. Принцезата Дијана во 1982 година го роди Вилијам во истата болница.

Кетрин и Вилијам стапија во брак на 29 април 2011 г.