Пример за вистинска љубов: Јапонска принцеза се откажува од статусот за да се омажи за саканиот

Веста за свршувачката на јапонската принцеза Мако го обиколи светот, затоа што е доказ дека вистинската љубов не познава граници.

25-годишната внука на царот Акихито се откажува од титулата „принцеза“ и ќе стане обичен граѓанин на Јапонија откако ќе му го каже судбоносното „да“ на својот сакан Кеи Комуро.

Мако и Кеи се запознале пред пет години преку заеднички пријател на Меѓународниот христијански универзитет во Токио, каде и двајцата студирале, а по кратко време таа го прифатила предлогот за брак од него. Бидејќи 25-годишниот избраник на принцезата е обичен граѓанин, законот ѝ наложува таа да се откаже од статусот кога ќе стапи во брак со него.

Јапонското царско семејство во моментов брои 19 члена од кои дури 14 се жени и немаат право да го наследат престолот.