Пример кој треба да се следи: Општина Валандово започна постапка за бесплатни детски градинки

Со цел да ги поддржи семејствата со мали деца, Општина Валандово започна постапка за укинување на партиципацијата за детските градинки. Овој чекор треба да послужи како пример за позитивни промени во услови на економска и енергетска криза.

Веста ја сподели градоначалникот на Валандово, Перо Костадинов, кој на Facebook напиша:

„Започнуваме со постапка за целосно укинување на партиципацијата на родителите, за згрижување на своите деца во детските градинки, на територијата на општина Валандово. Општина Валандово, целосно ќе ја покрие родителската партиципација, со средства од Буџетот на општината.“

„Целта е, да се поддржат семејствата со деца на предшколска возраст, во време на енергетска и економска криза и да се зајакне солидарноста во заедницата“.