Пријанка Чопра заведува од страниците на индискиот „Вог“.
39-годишната актерка сними колоритна фотосесија за која позираше во модели од индискиот дизајнер Ашиш Гупта, како и од модните куќи Луј Витон и Ботега Венета.
Во интервјуто, Чопра зборуваше за моментот кога се преселила од Индија во САД и видела колку малку луѓето се запознаени со нејзината татковина.
„Децата ми поставуваа глупави прашања. Како на пример, дали јавате слонови или крави до училиште? Не можеа да поверуваат дека имаме автомобили. Толку бев лута. Имав проект за крајната оценка и отидов дома и останав будна цела вечер. Испечатив фотографии од модерна Индија: од Мумбај, технологијата и сите кул нешта што ги имаме. Се сеќавам дека добив петка на презентацијата. Отсекогаш сум се чувствувала како амбасадор на Индија. Тоа е нешто што ќе продолжам да го правам додека можам“ – рекла таа.
