Пријанка Чопра и Ник Џонас се венчаа во Индија, погледнете фотографии од претсвадбените церемонии
Пријанка Чопра и Ник Џонас со неколкудневни прослави го одбележаа влегувањето во брачните води. Славниот пар се венча во Индија, а досега има споделено фотографии само од претсвадбените церемонии.
36-годишната актерка и 26-годишниот пејач со најблиските се веселеа на Mehendi, важен претсвадбен ритуал за време на кој на рацете и нозете на невестата се цртаат интересни дезени со кана. Невестата блескаше во колоритна креација.
Еден ден пред свадбата, славната двојка го започна славењето со Sangeet, традиционална свеченост на која настапуваат роднините и пријателите на младенците со интересни кореографии и изведба на песни.
Големата свадбена прослава се одржа во Umaid Bhawan Palace во Џодпур. Спектакуларниот огномет на младенците беше вистинска атракција.
Ник и Пријанка се верија во јули, по само неколку месеци врска.
