Прекрасно семејство: Адам Левин и „ангелот“ Беати Принсло за првпат во јавност со малата ќеркичка

Адам Левин доби ѕвезда на холивудската Патека на славните. На церемонијата, фронтменот на Maroon 5 ја доби поддршката од сопругата Беати Принсло и малата ќеркичка Дасти Роуз.

„Имам ќерка, ја имам најубавата сопруга во целиот свет. Јас сум еден од најсреќните луѓе кои некогаш живееле“ – рекол Адам во својот говор.

Популарната манекенка, која се породи пред само четири месеци, изгледаше одлично во црн комбинезон од Брендон Максвел.

37-годишниот пејач и 27-годишниот модел на Victoria’s Secret ја започнаа својата врска во мај 2012 година, а две години подоцна ја крунисаа својата љубов со брак.

На настанот присуствуваше и Гвен Стефани.