Прекрасна: Војвотката Кетрин во креација од Александар Меквин со принцот Вилијам на доделување на награди во Лондон
Принцот Вилијам и војвотката Кетрин изгледаа елегантно на зелениот тепих на доделувањето на наградите Earthshot Prize во Лондон.
За свеченоста, 39-годишните припадници на британското кралско семејство облекоа модели кои веќе ги имаа во својот плакар и ги замолија гостите да мислат на животната средина кога ги избираат нивните стајлинзи.
Кетрин избра да ја носи креацијата од Александар Меквин во која заблеска на Bafta во 2011 година во Лос Анџелес, додека Вилијам облече зелено сако кое го носеше и пред две години.
Лево: Војвотката Кетрин во 2011 година на Bafta. Десно: Војвотката Кетрин на доделувањето на наградите Earthshot Prize во 2021 година.
Наградите Earthshot Prize се доделуваат за првпат оваа година и ќе се доделуваат во следните 10 години од страна на Кралската фондација. Тие се лансирани од принцот Вилијам и Сер Дејвид Атенборо. Парична награда во вредност од по 1 милион фунти им се доделува на пет учесници чии решенија докажано помогнале да се решат проблемите на животната средина.
„Дејствијата кои избираме или не избираме да ги преземеме во следните 10 години ќе ја определат судбината на планетата за следните илјада години. Иднината треба да ја определиме ние и ако сме посветени на тоа, ништо не е невозможно. Сакам да им кажам нешто на младите луѓе кои ме гледаат вечерва. Предолго време не правевме доволно за да ја заштитиме планетата за вашата иднина. Но, ‘Earthshot’ е за вас. Во следните 10 години ќе дејствуваме. Ќе пронајдеме решенија за да ја поправиме нашата планета“ – рекол Вилијам.
Кетрин ја додели последната награда.
