Рустичен луксуз владее во спалната соба на Џесика Алба. Славната актерка покани тим од дизајнери да ѝ помогне во реновирањето на спалната соба во семејниот дом во Лос Анџелес.
Фотографиите од пред и по реновирањето покажуваат како идејата на Алба за „функционална, комфорна и спокојна“ спална соба стана реалност.
Егзотични детали ѝ даваат на просторијата колорит, а сепак не ја нарушуваат релаксираната атмосфера. „Секогаш ги користам патувањата како извор на инспирација“ – изјавила Алба за електронското списание Domaine и дополнила дека неодамнешното патување во Истанбул имало огромно влијание врз финалниот изглед на спалната.
Спалната соба на Џесика Алба пред реновирањето
Алба минатата година ги отвори ширум вратите на својот прекрасен дом.
