Принцезата Кетрин и принцот Вилијам со децата присуствуваа на празнична миса по повод Велигден.
Кралскиот пар беше фотографиран додека со децата Шарлот, Џорџ и Луи се упатуваше на црковната служба во капелата „Сент Џорџ“ во замокот Виндзор.
Додека машкиот дел од семејството беше стилски усогласен во елегантни костуми, Кетрин и Шарлот изгледаа шармантно во бежови и кафеави нијанси.
44-годишната идна кралица изгледаше отмено во кремов комплет од брендот Self Portrait, кој се состоеше од струкирано сако со нежни детали од чипка, елегантен ремен кој ја истакнуваше нејзината фигура и лелеаво миди здолниште. Нејзиниот монохроматски стајлинг беше совршено надополнет со впечатлива шапка во форма на капка украсена со ливчиња креирана од дизајнерката Џулиет Ботерил.
Од модни додатоци, Кетрин избра класични салонки од Ралф Лорен, мала чанта во карамела нијанса од брендот DeMellier и суптилен ѓердан со приврзок во форма на крст. Најголемо внимание привлекоа раскошните бисерни обетки кои имаат историска и сентиментална вредност, бидејќи биле свадбен подарок за покојната кралица Елизабета II од владетелот на Бахреин.
Принцот и принцезата од Велс ги пропуштија велигденските миси во 2024 и 2025 година откако Кетрин ја сподели тешката вест за нејзината дијагноза на рак, избирајќи празничните моменти да ги поминат приватно.
На традиционалното празнично собирање им се придружија и кралот Чарлс и кралицата Камила.
