Позаљубени отсекогаш: Бред Пит и Инес де Рамон уживаа на Ролан Гарос и на вечера во Париз

Бред Пит и Инес де Рамон се забавуваа во Париз, а фановите се едногласни дека изгледаат пресреќни заедно и позаљубени отсекогаш.

Нивната париска агенда започна во саботата попладне, на трибините на престижниот турнир Ролан Гарос. 62-годишниот актер и 33-годишната заменик директорка на брендот Anita Ko. си разменуваа насмевки и нежности додека го следеа финалето во женска конкуренција. Тие беа сведоци кога Русинката Мира Андреева ја освои својата прва грен-слем титула, победувајќи ја Маја Хвалинска.

За спортскиот настан, филмската ѕвезда избра класична и лежерна варијанта со бела кошула и светли панталони, додека Инес изгледаше модерно во бежов фустан надополнет со маслинесто-зелена бомбер јакна.

По тениската авантура, двојката беше фотографирана како пристигнува во познатиот париски ресторан „Le Voltaire“, каде што вечераше во друштво на режисерот Дејвид Финчер и басистот на Red Hot Chili Peppers, Фли.

Бред и Инес се во врска од ноември 2022 година.