„Посакувам да бевме сите заедно“: Ванеса Брајант отвори писмо од Коби за својот роденден, кој го прослави со трите ќерки
Ванеса Брајант го прослави 38-миот роденден, кој ѝ беше прв роденден по смртта на нејзиниот сопруг Коби и нејзината ќерка Џиана.
На Instagram, таа сподели дека еден ден пред претходно пронашла неотворено писмо од Коби, кое го зачувала за нејзиниот специјален ден.
„Вчера најдов плик адресиран до: Љубовта на мојот живот. Чекав да отворам уште едно писмо на мојот роденден. Иронијата е што Коби имаше поставено фотографија од мене на која бев насликана како ме држи ангел.“
„Ми недостига љубовта на мојот живот и мојата слатка мала Мамасита. Благодарна сум што се разбудив покрај моите 3 слатки девојчиња денес. Посакувам да бевме сите заедно“ – напиша таа.
Ванеса сподели уште две фотографии со нејзините ќерки. На фотографија од ќеркичката Капри, таа напиша: „Капри изгледа исто како татко си (во облека од Џиџи)“.
Ванеса и Коби беа во брак од 2001 година. Коби и нивната ќерка Џиџи ги загубија своите животи во хеликоптерска несреќа во јануари оваа година.