Фасцинантни фотографии од легендарната Одри Хепберн ќе ги привлечат многубројните обожаватели на незаборавната актерка на изложбата „Audrey Hepburn: Portraits of an Icon“ во Националната портретна галерија во Лондон.
Изложбата ги отсликува кариерата и животот на грациозната актерка. Портретите се дело на славни фотографи како Сесил Битон, Ричард Аведон и Норман Паркинсон.
Преку 60 фотографии од ѕвездата од филмовите „Roman Holiday“, „Funny Face“, „Breakfast at Tiffany's“ и „My Fair Lady“ ќе добијат свое место во близина на лондонскиот ноќен клуб „Ciro’s“, каде настапувала Хепберн пред да стекне светска слава.
Прошетајте со поглед низ дел од фотографиите.
