Поминаа 15 години од „венчавката на векот“: Кетрин и Вилијам пресреќни покрај трите деца на годишнината од бракот

Поминаа 15 години од бајковитата венчавка на принцот Вилијам и принцезата Кетрин.

Кралскиот пар ја одбележа оваа значајна годишнина со нова семејна фотографија која привлече огромно внимание на социјалните мрежи.

На фотографијата, направена за време на велигденскиот одмор во Корнвол, Кетрин и Вилијам лежат на тревата заедно со своите три деца, принцот Џорџ, принцезата Шарлот и принц Луи.

Фотографијата е дело на познатиот фотограф Мет Портеус, а беше споделена на социјалните мрежи со порака: 

„Прославуваме 15 години брак“.

Љубовната приказна на Вилијам и Кетрин започна на Универзитетот Сент Ендрјус, а кулминираше со нивната венчавка во 2011 година во Вестминстерска опатија, настан кој беше следен од милијарди луѓе ширум светот и со право беше наречен „венчавка на векот“.