Во време кога секојдневието ни е преплавено со дигитални известувања, објави и постојано присуство онлајн, Podravka го најавува првиот Offline Tea & Book Club – ексклузивен настан кој ги поврзува љубителите на книги и квалитетен чај, и ја истакнува важноста на дигиталниот детокс.
Настанот ќе се одржи во четврток, 5 март во 19.00 часот во кафе - книжарницата на Literatura.мк во Diamond Mall, каде учесниците ќе имаат можност да уживаат во квалитетен чај, интерактивно читање, забавни игри, кратки дискусии и момент на присутност без мобилни телефони.
На настанот ќе присуствуваат влијателни лица, членови на книжевни клубови и млади професионалци, со цел да ја започнат традицијата на офлајн средби за дигитален детокс, инспирирани од светските трендови на офлајн собирање на отворено и во културни простори.
Настанот има за цел да поттикне здраво одвојување од технологијата, да создаде простор за лична рефлексија, креативност и заедништво, и да ја изгради културата на присутност во современото урбано секојдневие.
Партнер на овој настан е и веб порталот Femina.mk кој со своја екипа ќе биде присутен и ќе ја документира атмосферата, ќе сподели искуства од учесниците и ќе помогне во ширење на идејата дека дигиталниот детокс може да стане нов тренд и кај нас.
Чајот и книгата в четврток ќе бидат повеќе од ритуал – тие ќе бидат инструмент за опуштање, инспирација и создавање на нови офлајн навики.