Џејмс Мајкл Тајлер ја изгуби битката со ракот. Актерот, познат по улогата на Гантер од серијата „Пријатели“, почина на 59-годишна возраст.
Тој издиша за последен пат во семејниот дом во Лос Анџелес по тригодишна борба со рак на простата.
Во јуни оваа година, Џејмс за првпат јавно зборуваше за болеста. Тој откри дека ракот е во четврт стадиум и дека се проширил и на неговите коски. Како последица на тоа, Тајлер останал делумно паразлизиран.
Кон почетокот на пандемијата со КОВИД-19, докторите откриле дека ракот се проширил и на коските, што довело до парализа на долната половина од неговото тело. „Пропуштив да одам на тестирање, што не беше добро нешто. Па ракот одлучи да мутира за време на пандемијата и така напредуваше“ – објасни Тајлер во интервјуто за Today и апелираше до мажите почесто да прават ПСА тест, за да може ракот да им биде дијагностициран во пораните фази.
Во специјалната епизода за обединувањето на актерите од „Пријатели“, накратко се појави и Џејмс.
