Почина Салваторе Кутуњо, познат како Тото Кутуњо. Легендарниот италијански музичар по долго и тешко боледување издиша за последен пат на 80-годишна возраст.
Кутуњо боледуваше од рак на простатата и пред смртта се лекуваше во болницата „San Raffaelle“ во Милано.
Тото беше познат по песните „L’Italiano“, „Insieme: 1992“ и „Solo Noi“. Тој победи на Евровизија во 1990 година во Загреб со песната „Insieme: 1992“, која зборува за обединување на нациите.
Учествуваше 15 пати на „Санремо“, но само еднаш успеа да го освои првото место со „Solo Noi“.
Кутуњо најпрво настапуваше со бендот „Албатрос“, а подоцна, во 1978 година, ја започна својата соло кариера.