По Аца Лукас, во Македонија е приведена и Џејла Рамовиќ зашто настапувала без работна дозвола
Уште една балканска музичка ѕвезда беше приведена во Македонија.
Џејла Рамовиќ настапувала со својот бенд во Кичево без соодветна работна дозвола кога полициските службеници влегле во објектот. Против сите пет лица е поднесена прекршочна пријава до Основен суд Кичево.
@dzejla.fan.stranica Mi se slažemo s vama 🤩 Nastup sinoć - Kičevo📍🇲🇰 #dzejlaramovic #dzejla #fyp #balkan #tajnaveza ♬ original sound - DzejlaRamovicfan
Победничката во „Ѕвездите на Гранд“, која настапувала во угостителски објект лоциран на магистралниот пат Кичево-Охрид, во првото огласување пред јавноста тврди дека ја имале целата потребна документација и дека организаторот ги уверил дека ги има неопходните дозволи за настап.
Сакам да нагласам дека од моја страна и од страна на мојот бенд сите потребни документи и дозволи за настапот во Кичево беа уредно подготвени и доставени до организаторот, со целосна постапка која редовно ја почитуваме при секое наше доаѓање во Северна Македонија. Организаторот нè увери дека ги обезбедил сите преостанати дозволи за одржување на настапот во согласност со договорот кој го имаме. И покрај тоа, настапот беше прекинат неколку минути пред крајот, наводно поради недостаток на работни дозволи, иако нашата документација беше целосно уредна – рекла Рамовиќ.
Жал ми е за непријатностите што ги доживеаја сите коишто дојдоа на мојот настап. Ситуацијата настана поради причини на кои воопшто не можев да влијаам, ниту пак вината е моја или на мојот тим! Македонија е земја која многу ја сакам и секогаш со радост ѝ се враќам. Така ќе биде и сега, бидејќи веќе во петок се дружиме во Скопје - додала таа.