Приказната за Дон и Максин Симпсон асоцира на холивудски филм, бидејќи е доказ за моќта на љубовта и силата на болката кога срцето е скршено од тага. По 62 години брачен живот, Дон и Максин од Калифорнија заедно заминале од овој свет.
„Сѐ што Дон некогаш сакаше е да биде со својата прекрасна сопруга. Тој ја обожаваше мојата баба“ – изјавила внуката Мелиса Слоан.
Дон и Максин се запознале на куглање, стапиле во брак неколку години подоцна и станале неразделни. Заедно го пропатувале светот и посвоиле две момчиња.
Пред неколку седмици Дон си го скршил колкот, а Максин забрзано ја губела битката со рак. Па, семејството на саканиот пар одлучило да ги спои во една соба за да минуваат што повеќе време заедно. Креветите на Дон и Максин биле поставени еден до друг и во последните денови парот постојано се држел за раце и разгледувал фотографии од семејни албуми.
Максин починала, држејќи го Дон за рака. Додека семејството го вадело телото на Максин од собата, Дон издишал за последен пат. „Тој престана да дише кратко време откако таа ја напушти собата. Длабоко во срцето знам дека тоа требаше да се случи. Тие го напуштија овој свет заедно“ – рекла Мелиса.
