По 3-годишна пауза, Аврил Лавињ објави нова песна посветена на нејзината борба со Лајмска болест
Аврил Лавињ се враќа на музичката сцена. По тригодишна пауза, 34-годишната пејачка објави нова песна и спот.
Во спотот за „Head Above Water“ Аврил е прикажана како ранлива, но неуништлива, а песната е посветена на нејзината борба со Лајмска болест.
„Го молев Бог да ми помогне да ја задржам главата над водата. Во тој момент започнав да работам на текстовите за овој албум“ – изјавила познатата пејачка. „Head Above Water“ ќе биде дел од новиот албум на Лавињ, кој на некој начин ја рефлектира нејзината животна борба.
Аврил за првпат ја изведе новата песна во живо во шоуто на Џими Кимел. Погледнете:
