Патот од мајчинството не е лесен за секого. За некои жени, тој е исполнет со години на исчекување, болка, надеж, солзи и безброј искушенија.
По цели две децении борба со неплодноста, сонот на 40-годишна Македонка која живее во Италија конечно стана реалност благодарение на стручноста и посветеноста на тимот на болницата „Плодност“.
Емотивната приказна за успешното ин витро оплодување ќе им даде доза надеж на сите оние кои сè уште го чекаат својот среќен крај.
40-ГОДИШНА ПАЦИЕНТКА ОСТВАРИ БРЕМЕНОСТ ПО 20 ГОДИНИ БОРБА СО НЕПЛОДНОСТ
„ПЛОДНОСТ Е СИМБОЛ И СИНОНИМ ЗА ИВФ”- КАЖА НАШАТА ПАЦИЕНТКА
Пациентка на 40-годишна возраст, по цели 20 години борба за потомство, денес ја слушна срцевата акција на своето бебе.
Поради ниска оваријална резерва, што е очекувана состојба за возраста, во Болница Плодност беше направена соодветна подготовка и ИВФ постапка.
Резултатот е успешно реализирана бременост, а на ултразвучниот преглед во 8-та гестациска недела беше потврден уреден ембрион со јасна срцева акција.
Пациентката живее и работи во Италија. Таму го направила првиот тест за бременост, а ден пред да дојде во Болница Плодност била прегледана и од тамошни гинеколози кои не го видоа ембрионот.
„Вечерта допатував со авион, а денес сум на контрола кај вас. Немам зборови... За мене, Плодност е синоним за ИВФ.“
Довербата што пациентите ни ја укажуваат, без разлика од каде доаѓаат, е нашата најголема одговорност и мотивација.
На идната мајка ѝ посакуваме мирна и уредна бременост, а на нејзиното долгоочекувано бебе – здрав и среќен почеток.