Џони Деп минува низ лош период од животот. Амбер Херд, со која 52-годишниот актер беше во брак 15 месеци, поднела документи за развод кратко време откако починала неговата мајка.
Според релевантни странски медиуми, 30-годишната актерка го започнала процесот на развод на 23 мај, само три дена по смртта на мајката на Деп.
81-годишната Бети Су Палмер по долго боледување издишала за последен пат на 20 мај во болница во Лос Анџелес.
Деп и Херд се запознаа за време на снимањето на нивниот филм „The Rum Diary“, но започнаа да се состануваат две години подоцна во јуни 2012 година, кога актерот се раздели со долгогодишната партнерка Ванеса Паради. Во февруари минатата година познатиот пар заплива во брачните води.
Парот нема предбрачен договор, а во документите за развод Амбер побарала алиментација.
Ова е втор брак за Деп кој во 1985 година се разведе од својата прва сопруга Лори Ен Алисон, а прв за Херд, која не крие дека е бисексуалка и претходно имаше 4–годишна врска со фотографката Тасја ван Ри.
Џони Деп со мајка си и поранешната партнерка Ванеса Паради