Кога Ели Сааб обелоденува нова колекција, женските воздишки се множат со молскавична брзина. Новите модели од колекцијата pre-fall 2024 имаа магичен ефект на неговите клиентки.
„Не се работи за фустанот кој го носите, туку за животот кој го живеете во тој фустан“ – порачаа од ателјето на Сааб.
Популарниот дизајнер балансираше помеѓу софистицираноста и автентичноста, како и грациозноста и спонтаноста за да создаде креации достојни за восхит. Апстрактни монограми, брилијантен сјај, драматична асиметричност и авантуристички дезени владеат низ новата модна понуда на Сааб.
Како модна муза која ја диктираше визијата зад колекцијата „Perfectly Marvelous“ е наведена американската колумнистка и модна уредничка Дијана Вриланд.
