„People“ го прогласи Крис Еванс за Најсекси маж на светот за 2022 година. Популарното списание секоја година избира еден славен маж на кој му ја доделува оваа титула.
41-годишниот актер, кој го глуми Капетан Америка, изјави дека неговата мајка ќе биде пресреќна за оваа вест.
„Мајка ми ќе биде многу среќна. Таа е горда на сè што правам, но ова е нешто за коешто навистина ќе може да се фали“ – изјави тој.
Згодниот холивудски актер сними фотосесија за списанието.
Крис веќе 22 години ја гради својата кариера, а сега признава дека е подготвен да го забави темпото на работа. „Најдобриот аспект во мојата кариера сега е дека се чуствувам доволно сигурен за да ја тргнам ногата од гасот. Сметам дека имам слобода да се повлечам малку од индустријата, а сепак да најдам проекти кои ќе го задоволат мојот креативен апетит кога ќе се вратам“ – додал славниот актер.
Еванс вели дека најмногу време сака да поминува дома со семејството.
„Кога станува збор за барање на улоги кои ќе ги глумам, најголем проблем е каде се снима филмот. Стар сум за да живеам во куфер шест месеци и сега сум во подобра фаза и среќен сум кога сум дома“ – рекол Крис.
Минатата година за најсекси маж беше прогласен Пол Рад, а претходни носители на оваа титула се и Дејвид Бекам, Крис Хемсворт, Двејн Џонсон, Адам Левин, Ченинг Тејтум, Бредли Купер, Рајан Рејнолдс, Бред Пит, Џони Деп, Хју Џекман, Џон Леџенд, Идрис Елба, Џорџ Клуни, Ричард Гир и Мајкл Б. Џордан.