Пенелопе Круз низ годините има изградено силни партнерства со повеќе брендови. Најактуелните нејзини соработки се со Swarovski (Сваровски) и Chanel (Шанел).
44-годишната актерка присуствуваше на настан по повод лансирањето на нејзината колекција накит со Swarovski во Париз. На свеченоста таа изгледаше префинето во црн фустан од колекцијата есен/зима 2018 на Шанел.
Круз деновиве и официјално може да се пофали со титулата бренд амбасадор на Шанел. Беше објавено дека таа е главната ѕвезда од рекламните фотографии за колекцијата ресорт 2019.
„Тоа е толку иконски бренд и Карл е гениј и му се восхитувам за сè што има направено уште откога бев девојче, па огромно е задоволството да работам со него. Тој е како крал на модата и имавме навистина, навистина интересно снимање на фотосесија, па тоа што бев пред неговиот фотоапарат е авантура“ - изјавила Круз.
