Пенелопе Круз изгледаше како модерна принцеза на МЕТ галата, која и оваа година традиционално се одржа во музејот на уметноста „Метрополитен“ во Њујорк.
Бидејќи овогодишното издание е посветено на дизајнерот Карл Лагерфелд, Пенелопе одлучи да носи балска креација од Шанел.
Фустанот е инспириран од дизајн кој беше дел од колекцијата висока мода пролет/лето 1988 година на француската модна куќа.
„Мој драг Карл, се надевам дека ја чувствуваш љубовта. Знам дека е така“ – напиша 49-годишната актерка.
Пенелопе е еден од официјалните копретседавачи за манифестацијата за оваа година, заедно со Михаела Коел, Роџер Федерер и Дуа Липа.
